Նունե Սարգսյան

Խորհրդային հասարակության մեջ, որտեղ մեծացել է Նունեն, երեխաները դաստիարակվում էին այնպես, որ գնահատեն մշակույթը, ուսումնասիրեն և հասկանան գրավոր խոսքի կարևորությունը հասարակության մեջ: Նունեի սերը լեզվի նկատմամբ և վերաբերմունքը երաժշտության, բառերի, գրքերի հանդեպ նպաստեցին նրա մեջ վաղ հետաքրքրության առաջացմանը կատարողական արվեստի նկատմամբ, և յոթ տարեկանում, դպրոցական կյանքին զուգահեռ, նա զբաղվում էր երաժշտությամբ և այցելում թատերական խմբակ: Ութ տարեկանում նա նամակ գրեց տեղական ռադիոկայանին՝ աշխատանքի անցնելու խնդրանքով։ Այդ համարձակ մոտեցումը՝ ձգտել ներդրում ունենալ սիրած միջավայրում և դրա մաս կազմել, այսօր էլ նրա մեջ է:

1992թ.-ին Նունե Սարգսյանը շարունակեց 20-րդ դարի ժամանակակից արվեստ ուսանել։ Նրա գիտական աշխատանքի թեզը Արշիլ Գորկու վերացական էքսպրեսիոնիզմն էր: Նունե Սարգսյանը ամուսնու՝ Արմեն Սարգսյանի հետ՝ (ՀՀ նախկին դեսպան, ՀՀ նախկին վարչապետ 1996-1997թթ. և ՀՀ նախկին նախագահ 2018-2022թթ), աջակցել են Գորկու աշխատանքների հետահայաց ցուցադրությանը Լոնդոնի «Tate Modern» թանգարանում 2010 թվականին:

Նունե Սարգսյանը եղել է Մեծ Բրիտանիայում Հայաստանի դեսպանության մշակույթի գծով խորհրդական, ապա՝ գործերի ժամանակավոր հավատարմատար։ Դեսպանությունում աշխատելու ընթացքում Նունե Սարգսյանը հարթակ է ստեղծել բազմաթիվ հայ արվեստագետների համար, ինչպես նաև նպաստել է մի շարք բացառիկ և բազմաբնույթ ցուցահանդեսների կազմակերպմանը, սկսած «Faberge’»-ից (որը նա օգնեց Կրեմլից փոխադրելու Լաս Վեգաս) մինչև «Խորհրդանիշ և առեղծված. արվեստն անցումային փուլում» Քենսինգթոն, Լոնդոն: Արվեստի, մշակույթի և գրքերի աշխարհների միջև Նունեն նաև նկարում և նկարազարդում է: Նրա աշխատանքները տարբերվում են՝ պայծառ, գունագեղ նկարներից մինչև սև թանաքով արված աբստրակտ պատկերներ: Նա իր առաջին ցուցահանդեսն իրականացրեց 2017 թվականին, Լոնդոնի Էվերարդ Ռիդ պատկերասրահում։

Նունե Սարգսյանն ապրում է Լոնդոնում և Երևանում։