«ՍԵՎ, ՍՊԻՏԱԿ ԵՎ ՄԻ ԱՅԼ ԳՈՒՅՆ»
Նունե Սարգսյանի ցուցահանդեսը Everard Read Gallery-ում
30 հունվարի – 17 փետրվարի 2018թ
«Ստեղծագործական գործընթացն ինձ տալիս է երջանկություն և բավարարվածություն […] Ես ստորագրում եմ իմ անունը պարույրով, որը հավերժության խորհրդանիշն է: Կյանքը հավերժական է, բայց մենք այս աշխարհում ենք ինչ-որ բան անելու համար. ծնել կոմպոզիցիա»,- Նունե Սարգսյան
Նկարչուհի, մանկագիր և բարերար Նունե Սարգսյանը ծնվել է Երևանում: Ուսանել է Լոնդոնի համալսարանի Գոլդսմիթս քոլեջում և ստացել արվեստի պատմության մագիստրոսի կոչում: Վերապատրաստվել է գեղանկարչության և գրաֆիկայի ասպարեզում: Նունեն հրատարակել է 14 մանկական գիրք հայերեն, ռուսերեն, ուկրաիներեն և անգլերեն լեզուներով և հանդիսանում է հասարակական և ճարտարապետական նախագծերի ջերմեռանդ հովանավոր Հայաստանում: Նունե Սարգսյանը ստեղծարար է, կոլեկցիոներ և կերպարվեստի էնտուզիաստ և ամեն օր սերմանում է այդ խանդավառությունն իր ընկերների և ընտանիքի մեջ:
Հանրահայտ մանկագիր և նորահայտ նկարչուհի Նունե Սարգսյանի «Սև, սպիտակ և մի այլ գույն» ցուցահանդեսը բաղկացած է թղթի վրա թանաքով պատկերված ութ կոմպոզիցիաներից, որոնցից յուրաքանչյուրը ներկայացնում է եզակի աբստրակտ պատմություն: Ստեղծելով կոնցեպտուալ, ներկայացուցչական և հոգեբանական պատկերագրական մոտեցումների ամբողջություն՝ Նունեի գեղարվեստական գործունեությունը լիովին ինքնաբուխ է, չսահմանափակված կանխամտածմունքով կամ որևէ ավանդական էսթետիկայով: Ավելի ճիշտ, նրա մեթոդը իմաստավորվում է արտահայտման և կոմպոզիցիայի ազնիվ ու անկեղծ մոտեցմամբ:
The Meeting of Elephants
The Microscope in Boots
Polina’s Secrets
Tea with Kandinsky
Աշխատանքն իրականացված է ձեռքով պատրաստված թղթի վրա: Փայլուն սև թանաքը՝ տարբեր հաստության գրչածայրերով կիրառվում է ամեն մի թղթի վրա: Երբեմն նկատելի են սանգին և կարմիր գրիչներով իրականացված մի շարք դետալներ՝ ընդգծված փոխաբերական բաղադրիչներով, որտեղ թռչուններն իրենց ուրույն տեղն են զբաղեցնում: Ամեն գործն ունի վերնագիր, որն արձագանքում է որևէ սյուրռեալիստական ասոցացիացիա՝ երազանման բովանդակության հետ: Թանաքի կիրառման ձևը հիշեցնում է գեղագրության արվեստ, որը նկարչուհին ուսումնասիրել է այս նյութով աշխատելու իր վաղ փորձերի ժամանակ: Արդյունքն ամեն նկարում հստակ տեսողական երաժշտականություն է կարծես՝ պատմություն, որը պատմվում է աշխատանքի ընթացքի և ազատ արտահայտման միջոցով:
Սալվադոր, Ճայը
The Architect’s Dream
Jack the Bird in Sardinia
Ջեյսոն Քերի «Իմպրեսիոնիզմ և ժամանակակից արվեստ» բաժնի ղեկավար, «Քրիստիզ» Լոնդոն
«Սև, սպիտակ և մի այլ գույն» ցուցահանդեսը կցուցադրվի Էվերարդ Ռիդ պատկերասրահում 2018 թվականի հունվարի 30-ից մինչև փետրվարի 17-ը: Հասցե՝ 80 Fulham Road, London SW3 6HR
Հոդվածը տպագրվել է Քրիստիզի հետ համատեղ:
Նունե Սարգսյանի աշխատանքները Redfern Gallery Ցուցահանդեսում 2024 թ.
